Gürcüstan, Tbilisi, 11 iyun / Trend , müxbir N.Kirtsxaliya /
Qaz anbarının tikintisi Şərqi Gürcüstanda neft və qaz hasilatı üzrə 25 illik lisenziyaya sahib olan ABŞ-ın neft şirkəti "Kanaqro"-nun fəaliyyətinə təsir göstərmir. Bu barədə jurnalistlərə Gürcüstanın energetika naziri Aleksandr Xetaquri bildirib.
"Baxmayaraq ki, regionda qaz ehtiyatları çox azdır, şirkət yataqlarda adi rejimdə işləməyə davam edəcək", - deyə Xetaquri bildirib. Onun sözlərinə görə, qaz anbarı layihəsinin reallaşdırılmasında Azərbaycan tərəfi, xüsusilə SOCAR maraqlıdır. Yaxın zamanlarda ABŞ-ın "Gürcüstan - minilliyin çağırışı" fondu texniki sənədləşmənin hazırlanması üçün tender elan edəcək.
Məqalə müəllifi ilə əlaqə ünavnı: [email protected]