...

"Azərbaycan Dəmir Yolları" QSC yol sahələrinin demontajını davam etdirir

Energetika Materials 7 Sentyabr 2009 20:20 (UTC +04:00)

Azərbaycan, Bakı, 07 sentyabr / Trend , müxbir E.İsmayılov /

Bakı-Abşeron istiqamətində Zabrat II-Qala sahəsində elektrik dəmiryol xəttinin demontajı oktyabrda başa çatacaq. Bu barədə "Azərbaycan Dəmir Yolları" QSC-nin baş mühəndisi Qurban Nəzirov bazar ertəsi deyib.

"Yolların demontajı üzrə işlər davam etdirilir və oktyabrın sonuna yekunlaşacağı planlaşdırılır", - Nəzirov deyib.

QSC-nin mətbuat xidmətinin rəhbəri Nadir Əzməmmədovun əvvəllər dediyi kimi, bu dəmiryol xətlərinin demontajından sonra onun yerində avtomobil yolu inşa ediləcək. Demontaj işlərinə avqustun 12-dən başlanılıb.

30 kilometr uzunluğunda bir zolaqlı Zabrat II-Maştağa-Bağlar-Buzovna-Zuğulba-Sahil-Mərdəkan-Qala dəmiryol xətti mərhələlərlə söküləcək. Demontajdan sonra ləğv edilmiş bu xəttin materialları ilk növbədə ikizolaqlı Zazalı-Gəncə, birzolaqlı Heybət-Biləcəri və ikizolaqlı Güzdək-Vaş-Xırdalan xətlərinin əsaslı təmiri zamanı istifadə olunacaq.

Məqalə müəllifi ilə əlaqə ünvanı: [email protected]

Xəbər lenti

Xəbər lenti