Azərbaycan, Bakı, 02 oktyabr / Trend /
Amerikanın Ticarət və İnkişaf Agentliyi (USTDA) və Azərbaycan Dövlət Neft Fondu ADNF-ə 250 min dollar həcmində texniki yardımın ayrılması barədə qrant müqaviləsi imzalayıblar, bu barədə fondun yaydığı məlumatda deyilir. Vəsait məhsulların dəyərinin və ADNF-nin institusional inkişafı layihəsinin üçüncü mərhələsinin həyata keçirilməsi üçün texniki yardım xidmətlərinin maliyyələşdirilməsinə sərf ediləcək.
Qrant müqaviləsini fondun başçısı Şahmar Mövsümov və Avropa və USTDA-nın Avrasiya ölkələri üzrə direktoru Skott Qrinit imzalayıb.
Overture Financial Services tərəfindən həyata keçirilən layihənin üçüncü mərhələsində risklərin idarəedilməsi və qiymətləndirilməsi, treninqlərin təşkilinin həyata keçirən şirkətlərin/sistemlərin seçimi üzrə ADNF-ə məsləhətlərin verilməsi nəzərdə tutulur.
Layihənin üçüncü mərhələsinin ümumi dəyəri 500 min dollar təşkil edir, bu vəsait USTDA və ADNF arasında bərabər bölünəcək. Qalan 250 min manat ADNF-in şəxsi vəsaiti hesabına maliyyələşdiriləcək. Əvvəlki iki mərhələdə layihəni tamamilə Amerika tərəfi maliyyələşdirib. Ölkə Azərbaycanın gəlirinin artması ilə əlaqədar üçüncü mərhələni qismən maliyyələşdirməyi təklif edib.
Layihənin üçüncü mərhələsinə menecerlərin seçilməsi və onların idarəsinə yardımın göstərilməsi, həmçinin fondun əməkdaşlarının daxili treninq sisteminin yaradılması daxildir.
Neft Fondunun sonrakı institusional inkişafının vacibliyi neftdən böyük gəlirlərin gəlməsi ilə əlaqədardır.
Bununla əlaqədar olaraq fond iki il bundan öncə başladılan böyük gəlirlərin əldə olunması üzrə hazırlıq işlərini davam etdirmək niyyətindədir. Hazırlıq işləri müasir texnologiyaların tətbiqi, proqram təminatı, həmçinin fondun kadr potensialının peşəkar səviyyəsinin artırılması istiqamətində həyata keçirilir.
USTDA-nın artıq başa çatan texniki yardımının ikinci mərhələsi çərçivəsində 2007-ci ildən etibarən Amerikanın Overture Financial Services şirkəti mühasibat sisteminin təkmilləşdirilməsinə, risklərin və gəlirliliyin qiymətləndirilməsi sistemlərinin qurulması üzrə şirkət/sistemlərin seçiminə, həmçinin investisiya portfelinin idarəsinə yardım göstərib. USTDA-nın bu işlərin görülməsi üçün ayrılmış qrantı 855,075 min dollar təşkil edib.
Birinci mərhələ çərçivəsində ADNF-in məsləhətçisi həmçinin Overture Managed Solutions olub. USTDA-nın birinci mərhələ çərçivəsində texniki yardımı 1,091 milyon dollar təşkil edib.
