Azərbaycan, Bakı, 05 oktyabr / Trend /
Azərbaycan Prezidenti İlham Əliyev oktyabrın 5-də ABŞ-ın energetika nazirinin müavini Daniel Ponemanın başçılıq etdiyi nümayəndə heyətini qəbul edib. Məlumatı AzərTAc Dövlət İnformasiya Agentliyi yayıb.
Görüşdə Azərbaycan ilə ABŞ arasında energetika sahəsində uğurlu əməkdaşlığın həyata keçirildiyi bildirilib, bu əlaqələrin gələcəkdə də genişlənəcəyinə əminlik ifadə olunub. ABŞ-ın energetika nazirinin müavininin ölkəmizə səfərinin bu sahədə əməkdaşlığın möhkəmlənməsi baxımından əhəmiyyəti vurğulanıb.