Azərbaycan, Bakı, 19 oktyabr / Trend /
Oktyabrın 1-nə Azərbaycanın əsas istehlakçılarının mazut ehtiyatı 341 min ton təşkil edib. Bu göstərici keçən ilin analoji dövrü ilə müqayisədə 6.1 faiz azdır, Dövlət Statistika Komitəsindən məlumat verilib.
Oktyabrın 1-nə olan məlumata əsasən, avtomobil benzin ehtiyatı 15.6 min ton olub. Bu da keçən ilin yanvar-sentyabr ayları ilə müqayisədə 25.8 faiz artıqdır.
Dizel yanacağı ehtiyatı 15 min ton təşkil edib. Bu göstərici 2008-ci ildəki göstəricidən 28.2 faiz çoxdur.
Əsas istehlakçıların aviasiya kerosini ehtiyatı 11 min ton təşkil edib ki, bu da 2008-ci ildəki göstəricidən 34.1 faiz azdır.
Əsas istehlakçıların yanvar-sentyabr ərzində daş kömür ehtiyatı 5.2 min ton olub. Bu da ötən ilin müvafiq göstəricisindən iki dəfə artıqdır.
