Azərbaycan, Bakı, 21 oktyabr / Trend , müxbir N.İsmayılova/
Azərbaycan hökuməti 2010-cu ilin büdcəsini dünya bazarlarında neftin dəyişən qiymətləri əsasında formalaşdırmaq niyyətində deyil, çərşənbə günü maliyyə naziri Samir Şərifov deyib.
"Bununla əlaqədar hesab edirəm ki, neftin qiymətinin 45 dollar barel proqnozlaşdırmaqla biz özümüzü qiymətlərin dəyişkənliyindən qoruya bilərik. Eyni zamanda, bu proqnoz büdcə xərclərinin təmin olunması üçün kifayət qədər əsas yaradır", - nazir deyib.
Dövlət büdcəsində neftin qiyməti 45 dollar/barel müəyyən olunb. Baxmayaraq ki, bu gün dünyada neftin qiyməti 80 dollardır, amma "biz dəyişkən qiymətlər əsasında proqnozlar verməməliyik".
