Azərbaycan, Bakı, 26 oktyabr / Trend , müxbir E.İsmayılov/
Dekabrda Azərbaycanda Chirag oil project - "Azəri-Çıraq-Günəşli" (AÇG) dəniz yatalar blokunda neft hasilatının artırılması layihəsi çərçivəsində yeni quyuların qazılması üçün zəruri olan dibdəki dayaq plitələrin tikintisinə başlanılacaq. Bu barədə bazar ertəsi neft-qaz bazarındakı mənbədən məlumat verilib.
"Artıq lazımi materiallar alınıb, ola bilsin ki, artıq bu ilin dekabr ayında tikintiyə başlanılacaq", - mənbədən deyilib.
Mənbədən deyilənə görə, ARDNŞ hazırda Boss Shelf şirkəti ilə danışıqlar aparır. Boss Shelf şirkəti McDermott şirkəti ilə birgə BP-nin sifarişi ilə AÇG yatağının işlənməsi çərçivəsində 6 platforma tikib. Danışıqlar dibdəki plitələrin birgə tikintisi üçün razılığın əldə edilməsi məqsədi ilə aparılır.
BP Azerbaijani şirkətinin prezidenti Rəşid Cavanşir daha bir müddət əvvəl demişdi ki, Chirag oil project (COP) gələn il təsdiq edilə bilər.
AÇG yataqlar blokunda neft hasilatının artırılmasına dair layihənin həyata keçirilməsinin iki mərhələsi çərçivəsində sutkada 200 min barelə yaxın neft hasil edilməsi planlaşdırılır. "Bu layihənin iki mərhələsinin həyata keçirilməsi üçün ilkin proqnozlara görə, 10 milyard dollara yaxın vəsait xərclənəcək. Layihə iki platformanın qurulmasını nəzərdə tutur", - ARDNŞ-nin yüksək vəzifəli nümayəndəsi bir müddət əvvəl bildirmişdi.
COP çərçivəsində yeni platformanın tikintisinə 2010-cu ilin sonları 2011-ci ilin əvvəllərində başlamaq planlaşdırılır. Layihə çərçivəsində neftin 2013-cü ildə əldə edilməsi gözlənilir.
Yeni platformadan 28 çıxarma və 17 basma quyusu qazılacaq. İlkin neft hasilatı 2013-cü ilin üçüncü rübündə başlanacaq. Bu layihə çərçivəsində neft ehtiyatı 331 milyon barel həcmində dəyərləndirilir.
AÇG-də yeni platformaların tikintisi "Balaxanı yataqlarının" işlənməsi üçün vacibdir. Onlardan biri "Çıraq" və "Günəşli" yataqlarını, ikincisi isə "Azəri" yatağının mərkəzi, şərq və qərb hissələrini əhatə etmək üçün lazımdır.
AÇG yataqlar blokunun işlənmə layihəsi üzrə iştirakçılar bunlardır: BP (operator - 34,1%), ChevronTexaco (10,2%), ARDNŞ (10%), INPEX (10%), Statoil (8,6%), ExxonMobil (8%), TRAO (6,8%), Devon Energy (5,6%), ITOCHU (3,9%), Hess (2,7%).
Məqalə müəllifi ilə əlaqə ünvanı: [email protected]
