...

Rusiyanın "Qazprom" şirkəti "Mazdok-Qazməmməd" qaz kəməri çərçivəsində iki tender elan edib

Energetika Materials 29 Oktyabr 2009 14:52 (UTC +04:00)

Azərbaycan, Bakı, 29 oktyabr / Trend /

Rusiyanın qaz inhisarçısı olan "Qazprom" şirkəti "Mazdok-Qazməmməd" magistral qaz kəməri çərçivəsində iki tender elan edib, "Qazprom"un rəsmi internet saytı bu barədə məlumat yayıb.

Birinci tender Makat-Şərqi Qafqaz magistral qaz kəmərinin yenidən qurulması və Mazdok-Qazməmməd maqistral qaz kəmərinin ikinci mərhələsi çərçivəsində obyektin tikintisi üçün tikinti yerinin hazırlanması işlərinin yerinə yetirilməsinə dair elan edilib.

İkinci tenderə iki bənd daxildir:

- Mazdok-Qazməmməd magistral qaz kəmərinin1220 mm-lik izolyasiya örtüyünün 572,0 -585,8 kilometr və 548,0-572,0 kilometr sahələrində əsaslı təmir prosesində boruların saf-çürük edilməsi;

- "Qazprom transqaz Mahaçqala" MMC QNS-nin obyektlərininə əsaslı təmirinə texniki nəzarət.

Hər iki layihə "Qazprom transqaz Mahaçqala" MMC-nin şəxsi vəsaitləri hesabına həyata keçiriləcək.

Hər iki tender üzrə ərizələrin qəbulu 30 oktyabrda başlayır, tender təklifləri zərflərinin açılma tarixi isə 30 noyabr saat 14:00-dır.

2010-cu ilin əvvəlindən Azərbaycan "Mozdok-Qazməmməd" qaz kəməri vasitəsilə qaz ixrac edəcək. Daha əvvəllər Azərbaycan Rusiyadan bu qaz kəməri vasitəsilə qaz idxal edib. ARDNŞ və "Qazprom" arasında imzalanan müqaviləyə müvafiq olaraq, Azərbaycan 2010-cu ildən 2015-ci ilədək hər il Rusiyaya 500 milyon kubmetrdən az olmayaraq qaz ixrac edəcək. Müqavilə ortamüddətlidir, lakin müqavilənin vaxtının uzadılması mümkünlüyü də var.

Xəbər lenti

Xəbər lenti