Azərbaycan, Bakı, 25 noyabr / Trend /
"Azerenerji" ASC-yə (Azərbaycanda elektrik enerjisi istehsalçısı və paylayıcısı) yanacaq qismində istifadə üçün yanvar-oktyabrda ötən ilin anoloji dövründə verilmiş təxminən 3,9 milyard kubmetr qaza nisbətdə 3,6 milyard kubmetrdən çox qaz ötürülüb. Bu barədə "Azerenerji"yə qaz tədarükünü həyata keçirən ARDNŞ-nin məlumatında deyilir.
Sentyabrda "Azerenerji"yə 282,4 milyon kubmetr qaz göndərilib.
2008-ci ildə "Azerenerji"yə təxminən beş milyard kubmetr qaz verilib.
2007-ci ildə bu göstərici 3,4 milyard kubmetr təşkil edib.
