Azərbaycan, Bakı, 02 fevral / Trend /
Azərbaycan Nazirlər Kabineti qaz qurğusuna, paylayıcı su kəmərləri şəbəkəsinə, su tutarlarına (su anbarlarına), qoşulmalara, siyirtmələrə, kranlara dair Azərbaycan Respublikasının milli standartlarının müəyyən edilməsi barədə qərar qəbul edib. Bu barədə Nazirlər Kabinetinin məlumatında deyilir.
Standartlaşdırma, Metrologiya və Patent üzrə Dövlət Komitəsinə "Azərsu" ASC ilə birlikdə paylayıcı su kəmərləri şəbəkəsinə, su tutarlarına (su anbarlarına), qoşulmalara, siyirtmələrə, kranlara dair Azərbaycan Respublikasının müvafiq milli standartlarının müəyyən olunmuş qaydada hazırlanmasını və qeydiyyata alınmasını təmin etmək tapşırılıb.
