Azərbaycan, Bakı, 15 fevral / Trend , müxbir E.İsmayılov/
ARDNŞ və Salyan oil əməliyyat şirkəti "Qarabağlı" quru yatağının 3 ölçülü modelinin hazırlanması məsələsi üzrə razılaşıblar. Bu barədə ARDNŞ-dən mənbə bazar ertəsi deyib. Salyan oil "Kürsəngi-Qarabağlı" müqavilə ərazisini işləyir.
"Tərəflər arasında razılıq var, lakin müqavilə hələlik imzalanmayıb. Hələ bəzi razılaşdırılmamış məsələlər qalıb", - mənbə deyib.
Onun sözlərinə görə, tərəflər hazırda razılaşdırılmamış məsələlər üzrə danışıqları davam etdirirlər. Xüsusilə Salyan oil maliyyələşdirmə məsələsini müəyyən etməlidir.
Bu layihənin reallaşması halında ARDNŞ yatağın 3D modelini hazırlayacaq. Qiymətləndirmə nəticələrini və yeni quyuların əsasının qoyulması üzrə proqnozları təqdim edəcək. Bu barədə mənbə deyib.
Bir müddət əvvəl ARDNŞ "Kürsəngi" quru yatağının şimal hissəsinin modelini hazırlayaraq sifarişçiyə təqdim etmişdi. Burada sifarişçi rolunda "Kürsəngi-Qarabağlı" müqavilə ərazisini işləyən "Salyan Oil" şirkəti çıxış edirdi. Modelin yaradılması nəticəsində 30-dan artıq yeni quyunun qazılması üçün tövsiyələr verilmişdi.
Əvvəlcə ARDNŞ "Kürsəngi" yatağının cənub hissəsinin modelləşdirilməsi üzrə işləri başa çatdırmışdı. Yataqda yeni quyuların təməli haqqında proqnozlar təqdim edilib. Müqavilə sahəsində ümumilikdə 80 quyu qazılıb. Yatağın proqnozlaşdırılan ehtiyat göstəricisi ilə ilkin proqnoz arasında elə də böyük fərq olmayıb. Əvvəlki proqnoz göstəricisi 18 milyon tona bərabər olub.
Yataq Salyan rayonunda yerləşir. ARDNŞ mütəxəssislərinə görə, müqavilə sahəsində qalan neft ehtiyatı 152 milyon ton təşkil edir.
"Kürsəngi-Qarabağlı" quru yatağının işlənməsi üzrə müqavilənin müddəti 25 ildir. Layihə səhmdarları: ARDNŞ - 50 faiz, 25 faizə malik iki Çin şirkəti - China National Oil & Gas Exploration and Development Corp (CNODC) və CNPC (Hong Kong) Ltd. (CNPCHK)
