Gürcüstan, Tbilisi, 17 fevral / Trend , müxbir N.Kirsxaliya/
Gürcüstanda magistral qaz kəmərinin reabilitasiyası başa çatıb.
"Şimal-Cənub" magistral qaz kəmərinin reabilitasiyası üzrə işlər enerji infrastrukturunun reabilitasiyası layihəsi çərçivəsində aparılıb. Layihəni Gürcüstanda "Minilliyə çağırış" fondu həyata keçirib.
Qaz kəmərinin 22-dən çox zədələnmiş hissəsindəki təmir-tikinti işləri 35 milyon dollara başa gəlib. İşlər 2006-cı ildən aparılır.
221 kilometr uzunluğundakı "Şimal-Cənub" qaz kəməri keçən əsrin 70-ci illərində tikilib. 1980-ci ildən sonra onun reabilitasiyası aparılmayıb.
