Azərbaycan, Bakı, 31 mart / Trend /
"Zığ" və "Hövsan" yataqlarında yerləşən müqavilə sahəsinin operatoru olan Absheron Operating Company Limited bu ildə 0,2 hektar çirklənmiş torpaqların təmizlənməsini həyata keçirir. Bu barədə ARDNŞ-nin Ekologiya İdarəsinin məlumatında deyilir.
Şirkətin müqavilə sahəsi 83,6 hektar sahəni əhatə edir. Absheron Operating Company bu ərazilərdə məhsul bölgüsünə dair müqavilə əsasında işləyir.
"2010-cu ilin fevralına kimi 2,8 hektar ərazi təmizlənib, 50 ədəd müxtəlif ağac və dekorativ güllər əkilib", - məlumatda deyilir.
"Hövsan-Zığ" müqavilə sahəsində ətraf mühitin ilkin vəziyyəti 2007-ci ilin iyununda qiymətləndirilib.
