Türkmənistan, Aşqabad, 2 aprel /Trend, müxbir H.Həsənov/
Bu gün "Türkmənqaz" Dövlət Konsernində İranın iqtisadi məsələlər üzrə birinci vitse-prezidenti Ağaməhəmmədi ilə danışıqlar aparılacaq. Türkmənistan rəsmi mənbəsinin verdiyi məlumata görə, ötən gün o, ölkənin Nazirlər Kabinetində və XİN-də görüşlər keçirib.
Tərəflər ticarət, neft-qaz sektoru, tikinti sahəsində əməkdaşlıq məsələlərini müzakirə ediblər. İran Türkmənistan üçün təbii qaz idxalçısıdır.
Ölkə İranın şimal əyaləti ilə sərhəddir və qaz yataqlarından, ümumilikdə, ölkənin ümumi paylaşdırıcı sistemindən çox uzaqdır və bu da hələ 90-cı illərdə iki ölkə arasında qaz axınının açılmasının məqsədəuyğunluğu barədə məsələni ortaya çıxarıb.
1996-cı ildə Qərbi Korpec qaz yatağından İran - Qurtqui istiqamətində qaz kəməri açılıb. Nəqlin illik həcmi tədricən artaraq, səkkiz milyard kubmetrə yaxın təşkil edib. Cari ilin əvvəlində Şərqi Dövlətabad yatağından İran sərhədinə kimi ikinci qaz kəmərinin açılışı olub.
İlkin mərhələdə bu yeni qaz kəməri ilə altı milyard kubmetrə qədər qaz nəql olunacaq; yekunda bu həcmi 12 milyard kubmetrə kimi artırmaq mümkün olacaq. Beləliklə, İran istiqamətində hər iki kəmər nəzərə alınmaqla, 20 milyard kubmetr qaz nəql etmək mümkün olacaq.
Mütəxəssislər qeyd edirlər ki, tələbat artarsa, qərbi qaz kəmərinin də gücünün artırılması mümkündür. Belə ki, bu yaxınlarda onun yanında yeni perspektiv yataqlar aşkar edilib və bu da nəqlin, təxminən, üç dəfə artırılması deməkdir.