...

Yanvar-mart aylarında "Bakı-Tbilisi-Ceyhan" kəməri ilə 9 milyon tona yaxın neft nəql olunub - ВР Azerbaijan

Energetika Materials 6 May 2010 15:15 (UTC +04:00)

Trend-i buradan izləyin

Azərbaycan, Bakı, 6 may /Trend/

"Bakı-Tbilisi-Ceyhan" (BTC) ixrac neft kəməri vasitəsilə yanvar-mart aylarında 8,8 milyon tona yaxın (65,7 milyon barel) neft nəql edilib. Bu barədə ВР Azerbaijan şirkətinin hesabatında deyilir.

Məlumatda deyildiyi kimi, birinci rübdə BTC çərçivəsində əsaslı xərclər 3,5 milyon dollar təşkil edib. Proqnozlara görə, bu il BTC üzrə əsaslı xərclər 69 milyon dollar olacaq.

2009-cu ildə BTC ilə 38 milyon tona yaxın (285 milyon barel) neft nəql olunib. 2009-cu ildə BTC üzrə əsaslı xərclər 92 milyon dollar təşkil edib.

Bu boru kəməri ilə "Azəri-Çıraq-Günəşli" yataqlarından və ВР-nin operatoru olduğu "Şahdəniz" qaz kondensatı yatağından neft nəql olunur.

BTC Co-nun səhmdarları aşağıdakılardır: BP (30,1 faiz); AzBTC (25 faiz); Chevron (8,90 faiz); Statoil (8,71 faiz); ТРАО (6,53 faiz); Eni (5 faiz ); Total (5 faiz); Itochu (3,40 faiz ); Inpex (2,50 faiz); ConocoPhillips (2,50 faiz) və Amerada Hess (2,36 faiz).

Qərb martşrutu ixrac boru kəməri ilə (Bakı-Supsa) Qara dənizdəki Supsa terminalına yanvar-mart aylarında 8 milyon barel neft nəql olunub. Birinci rübdə dəmiryolla 2 milyon barel neft ixrac olunub.

Xəbər lenti

Xəbər lenti