Azərbaycan, Bakı, 19 may /Trend/
ARDNŞ və İsveçrədəki Aurora Progress Ticarət Evi əl-Fuceyrə (BƏƏ) limanında tikilməkdə olan neft məhsullarının saxlanması terminalı da daxil olmaqla, neft anbarlarının inkişafı sahəsində əməkdaşlığa dair razılığa gəlmələri barədə çərşənbə günü məlumat verib.
ARDNŞ "SOCAR Trading" (isveçrə) şirkəti ilə təmsil olunacaq.
Gücü 641 min kubmetr olan bu terminalın tərkibinə 20 rezervuar daxildir və terminal benzin, nafta, orta distillat və digər neft məhsullarının daşınması imkanına malikdir.
Terminalın üçüncü tərəflərə infrastrukturun gücünü təklif edən müstəqil operatoru SOCAR AURORA olacaq