Аzərbaycan, Bakı, 16 iyun /Trend, müxbir S.Süleymanov/
"QazMunayQaz" Səhmdar Cəmiyyəti Milli Şirkəti Pavlodar Neft-Kimya Zavodunun (NKZ) səhmlərinin müəyyən olunmuş paketinin satışı üzrə Rusiya şirkəti ilə danışıqlar aparır. Bu barədə çərşənbə günü Astanada keçirilmiş mətbuat konfransında MŞ-nin direktoru Daniyar Tiesov bildirib.
Tiesov işin başa çatmasına qədər səhm paketinin ölçüsünü və şirkətin adını bildirməkdən imtina edib.
"Biz Rusiya neftinin zavoda uzunmüddətli nəqlini təmin etmək üçün səhmdarlar arasında böyük Rusiya şirkətini görməkdə maraqlıyıq", - Tiesov deyib.
Qazaxıstanın şimalında yerləşən NKZ-nin layihə gücü ildə altı-yeddi milyon ton neft təşkil edir. Sovet dövründə inşa edilən Pavlodar Neft-Kimya Zavodu yalnız Qərbi Sibir yataqlarından neftin emal edilməsi üçün texnoloji cəhətdən istiqamətlənib.
Pavlodar NKZ-nin 50 faiz səhmlərinin alıcıları siyahısına TNŞ-BP şirkəti daxildir. Əvvəllər müəssisənin səhmlərinin alıcılarına LUKoil və "Qazprom-neft" şirkətləri də daxil idilər. Sazişin dəyəri 600 milyon dollara yaxın təşkil edə bilər.
