Azərbaycan, Bakı, 3 iyul /Trend, müxbir S.Süleymanov/
Qazaxıstan neftinin "Bakı-Tbilisi-Ceyhan" (BTC) boru boru kəməri vasitəsilə nəqlinin tarifləri hazırda dəmiryol daşımaları ilə müqayisədə rəqabət qabiliyyətli deyil. Bunu "QazMunayQaz"ın rəhbəri Kairgeldı Kabıldin deyib.
"Qazaxıstan nefti üçün BTC üzrə tarif sistemi dəmiryol daşımaları ilə müqayisədə rəqabət qabiliyyətli deyil. Buna görə də biz hazırda "Bakı - Qara dəniz" dəhlizində dəmiryol nəqliyyatından istifadə edirik", - Kabıldin qeyd edib.
Kabıldin "Tengizşevroyl" rəhbərliyi və Azərbaycan tərəfi arasında tariflər üzrə danışıqlara toxunaraq vurğulayıb ki, bu barədə danışıqlar aparılıb.
"Belə ki, BTC ilk növbədə Azərbaycan nefti üçün təyin olunub. Bu baxımdan onlar üçüncü tərəf üçün tarifləri qaldırıblar ki, bu da Qazaxıstan nefti üçün cəlbedici olmayıb", - Kabıldin bildirib.