Azərbaycan, Bakı, 13 iyul /Trend, müxbir S.Ağayeva/
Fransa Azərbaycanı "Cənub dəhlizi" layihəsinin reallaşmasında mühüm tərəfdaş qismində görür. Bu barədə Trend-ə müsahibəsində Fransanın Azərbaycandakı fövqəladə və səlahiyyətli səfiri Qabriel Keller deyib.
"Cənub dəhlizi" qazın Yaxın Şərqdən və Orta Asiyadan Avropaya nəqlinə kömək edəcək. Lakin hər şeydən əvvəl, bu dəhliz vasitəsilə Azərbaycan qazı nəql olunacaq", - Keller bildirib.
Kellerin qeyd etdiyinə görə, Fransa həm dövlət səviyyəsində, həm də fransız şirkətləri vasitəsilə iyunda Azərbaycan və Türkiyə arasında imzalanan tranzit sazişi üzrə razılaşmanın əldə olunmasına kömək edib.
"Cənub dəhlizi" Avropa İttifaqı üçün enerji tədarükünün marşrut və mənbələrini diversifikasiyalaşdırmağa yönələn və bununla da Avropa ölkələrinin enerji təhlükəsizliyini təmin edən prioritet enerji layihələrindəndir. "Cənub dəhlizi" layihəsinə aşağıdakı layihələr aiddir: Transadriatik qaz kəməri "Nabucco", "Ağa axın" qaz kəmərinin layihəsi, ITGI layihəsi (Türkiyə - Yunanıstan - İtaliya).
"Avropa qaz sahəsində öz mənbələrini mümkün qədər diversifikasiyalaşdıraraq, öz enerji müstəqilliyini təmin edəcək böyük idxalçıdır", - Keller vurğulayıb.