Azərbaycan, Bakı, 30 iyul /Trend/
Yanvar-iyun aylarında ARDNŞ Azərbaycan əhalisinə 1,1 milyard kubmetrdən çox qaz tədarük edib. Bu barədə ARDNŞ-nin məlumatında deyilir. İyunda ARDNŞ tərəfindən əhaliyə 75,1 milyon kubmetr qaz verilib.
Yanvar-iyun aylarında şirkət sənaye müəssisələrinə 507,7 milyon kubmetr qaz ötürüb. İyunda sənaye müəssisələrinə 61,9 milyon kubmetr qaz göndərilib.
Yanvar-iyun aylarında kommunal büdcə müəssisələrinə 150,7 milyon kubmetr qaz ötürülüb. İyunda bu göstərici 3,4 milyon kubmetr qaz təşkil edib.
Yanvar-iyun aylarında ARDNŞ Naxçıvan Muxtar Respublikasının Energetika İdarəsinə 45,6 milyon kubmetr qaz ötürüb. İyunda bu göstərici 7,1 milyon kubmetr təşkil edib.
Əvvəllər ölkə daxilində bütün qaz əməliyyatlarını "Azəriqaz" QSC həyata keçirirdi. Ötən ilin iyununda "Azəriqaz" QSC İstehsalat Birliyi qismində ARDNŞ-nin tərkibinə daxil edilib.