...

ARDNŞ "Bakı-Novorossiysk" boru kəməri ilə 200 min tondan artıq neft nəql edib

Energetika Materials 4 Avqust 2010 15:48 (UTC +04:00)

Azərbaycan, Bakı, 4 avqust /Trend/

ARDNŞ (Azərbaycan Respublikası Dövlət Neft Şirkəti) yanvar-iyul aylarında "Bakı-Novorossiysk" şimal boru kəməri ilə 1,26 milyon tondan artıq neft nəql edib. 2009-cu ilin analoji dövründə bu rəqəm 1,5 milyon tona yaxın olub. Bu barədə ARDNŞ-nin məlumatında deyilir.

İyulda bu neft kəməri ilə 216,1 min tona yaxın neft ixrac olunub. 2009-cu ilin analoji dövründə bu göstərici 247 min tondan çox olub.

ARDNŞ 2009-cu ildə "Bakı-Novorossiysk" boru kəməri ilə 2,5 milyon tona yaxın neft ixrac edib. 2008-ci ildə bu rəqəm 1,2 milyon ton olub. 2007-ci ildə bu marşrutla 1,2 milyon ton neft ixrac olunub ki, bu da 2006-cı ildəki göstərici ilə eynidir. 2005-ci ildə "Bakı-Novorossiysk" boru kəməri ilə ixrac 1,6 milyon ton təşkil edib.

ARDNŞ Novorossiysk vasitəsilə öz yataqlarından, eləcə də Azərbaycanın quru yataqlarında çalışan birgə müəssisə və əməliyyat şirkətlərinin hasil etdikləri neftin nəqlini həyata keçirir.

2007-ci ilin sonunadək "Bakı-Novorossiysk" boru kəmərinin operatoru Azərbaycan Beynəlxalq Əməliyyat Şirkəti (ABƏŞ) olub, sonradan isə bu funksiyanı ARDNŞ-yə verib.

Xəbər lenti

Xəbər lenti