Azərbaycan, Bakı, 11 noyabr /Trend/
Azərbaycan Sənaye və Energetika Nazirliyi energetika sahəsində islahatların dəstəklənməsi proqramı çərçivəsində "Alternativ və bərpa olunan enerji mənbələri, enerjinin rasional istifadəsi üzrə tədbirlər planının hazırlanması və icrası" adlı birinci lot üçün məsləhət xidmətlərinin göstərilməsi üzrə tender elan edib.
Tenderdə iştirak etmək istəyən şəxslər bu ilin dekabrın 2-si saat 17:00-dək iştirak haqqında ərizə və digər sənədləri təqdim etməlidirlər.
Tender təklifləri və bank zəmanəti dekabrın 28-i saat 17:00-dək Energetika Nazirliyinə təqdim olunmalıdır. Tender proseduru dekabrın 29-u saat 11:00-da tender təkliflərinin açılışı ilə başlayacaq. Tender iştirakçıları tender təkliflərinin açılışı prosesində iştirak edə biləcəklər.
Aşağıdakı telefonlarla əlavə məlumat almaq olar:
Tel: (+994 12) 493 46 33; 493 72 74
Faks: (+994 12) 598 16 78.
