Azərbaycan, Bakı, 28 dekabr /Trend, müxbir E.İsmayılov/
2010-cu ilin son günlərində ARDNŞ (Azərbaycan Respublikası Dövlət Neft Şirkəti) Gürcüstanda öz brendi altında daha bir neçə yanacaqdoldurma məntəqəsini (YDM) istismara verməyi planlaşdırır. Bu barədə çərşənbə axşamı ARDNŞ-nin Gürcüstandakı törəmə müəssisəsi "SOCAR Energy Georgia"dakı mənbə məlumat verib.
O cümlədən, mənbənin sözlərinə görə, Tbilisi və Kaxetidə hərəsində biri olmaqla, azərbaycanlıların kompakt yaşadıqları Kvelo-Kartli diyarında iki YDM açılacaq.
Onun sözlərinə görə, bu gün ARDNŞ-nin brendi altında Gürcüstanda sayca 60-cı olan YDM-in açılış mərasimi keçirilib. Beləliklə də yeni yanacaqdoldurma məntəqələrinin açılması ilə ARDNŞ-nin Gürcüstandakı YDM-lərinin ümumi sayı 64-ə çatacaq.
"SOCAR Georgia"nın həmtəsisçiləri ARDNŞ (51%), "Petro-Trans FZCO" (24,5%) və İvan Çxartişvilidir (24,5%).
