Azərbaycan, Bakı, 30 dekabr /Trend, müxbir E.İsmayılov/
ARDNŞ (Azərbaycan Respublikası Dövlət Neft Şirkəti) Heydər Əliyev adına Dərin Özüllər Zavodu ərazisində poliklinikanı təmirdən sonra istismara verib.
Poliklinikanın açılış mərasimində ARDNŞ-nin yüksəkvəzifəli nümayəndələri və zavod işçiləri iştirak ediblər.
Rəmzi qırmızı lenti ARDNŞ-nin geologiya, geofizika və yataqların işlənilməsi üzrə birinci vitse-prezidenti Xoşbəxt Yusifzadə kəsib. O, zavod işçilərinin sağlamlığına nəzarət etmək üçün obyektin əhəmiyyətini qeyd edib.
Zavodun ümumi istehsal gücü ildə 60 min ton metal konstuksiyadır.
1984-cü ilin aprelində zavod layihə gücündə işləməyə başlayıb. Dərinlik platformasının ilk dirək bloku zavodun stapelindən buraxılıb və 1985-ci ilin avqustunda istismara verilib.