Azərbaycan, Bakı, 5 fevral /Trend, müxbir E.İsmayılov/
Britaniyanın BP şirkəti texniki operatoru olduğu Azərbaycanın "Şahdəniz" qaz-kondensat yatağının genişmiqyaslı işlənməsi çərçivəsində SDX-06 qiymətləndirmə quyusunun qazılması üzrə işləri başa çatdırır. Trend-in məlumatına görə, bu barədə neft-qaz bazarında mənbə bildirib.
Onun sözlərinə görə, artıq 6400 metr dərinlik qazılıb. Hazırda quyuda giriş işləri aparılır ki, bu da təkrar qazılmaya ehtiyac olub olmadığını müəyyən etməyə imkan verəcək.
Mənbə qeyd edib ki, yaxın günlərdə SDX-06 quyusunda işlərin başa çatdırılmasından sonra SDX-07 quyusunun qazılmasına başlanılacaq (yatağın hazırlanmasının ikinci mərhələsi çərçivəsində ətrafı qazma).
İşlənmənin birinci mərhələsi çərçivəsində yataqda ən yüksək hasilat 8,6-9 milyard kubmetr səviyyəsində proqnozlaşdırılır. Proqnozlara əsasən, yatağın işlənməsinin ikinci mərhələsi çərçivəsində qaz hasilatının həcmini ildə 25 milyard kubmetrə çatdırmaq mümkün olacaq.
"Şah Dəniz" yatağının ehtiyatları 1,2 trilyon kubmetr qaz həcmində qiymətləndirilir.
"Şahdəniz" yatağı üzrə müqavilə 1996-cı il iyunun 4-də imzalanıb. Müqavilə iştirakçıları bunlardır: BP (operator) - 25,5%, Statoil - 25,5%, NICO - 10%, Total - 10%, LukAgip - 10%, TPAO - 9%, ARDNŞ - 10%.
