Azərbaycan, Bakı, 11 mart /Trend/
Yanvar-fevralda ARDNŞ ölkənin dövlət büdcəsinə 184,834 milyon manat vəsait ödəyib. Bu, ötən ilin analoji dövründən 17 milyon manat çoxdur. Trend-in məlumatına görə, bu barədə ARDNŞ-nin cümə günü yaydığı məlumatda deyilir.
Yanvar-fevralda ARDNŞ Dövlət Sosial Müdafiə Fonduna 20,3 milyon manata yaxın vəsait köçürüb. Bu, ötən ilin yanvar-fevralında qeydə alınan göstəricidən 3,186 milyon manat çoxdur.