...

Azərbaycanın Standartlaşdırma üzrə Dövlət Komitəsi ilin sonunadək yeni laboratoriyanı istismara verəcək

Energetika Materials 11 Aprel 2011 16:55 (UTC +04:00)

Azərbaycan, Bakı, 11 aprel /Trend, müxbir E.İsmayılov/

Standartlaşdırma, Metrologiya və Patent üzrə Dövlət Komitəsi neft və kimya sahəsində araşdırmalarla məşğul olacaq laboratoriyanın yaradılması üzrə işlər görür. Bu barədə bazar ertəsi Trend-ə komitədən bildiriblər.

"Yeni laboratoriyanın yaradılması üzrə işlər planlaşdırılan müddətə uyğun davam etdirilir", - mənbə deyib.

Onun sözlərinə görə, komitə ilin sonunadək işləri başa çatdırmaq və laboratoriyanı istismara vermək fikrindədir.

Bir müddət əvvəl komitənin rəhbəri Ramiz Həsənov bildirib ki, belə laboratoriyanın yaradılması respublikada istehsal olunan neft-kimya məhsullarının keyfiyyətinin yaxşılaşdırılması və onların beynəlxalq bazarlarda rəqabət qabiliyyətliliyinin artırılması üçün vacibdir.

Respublikada istehsal olunan məhsulların keyfiyyətinin yaxşılaşdırılması dünya bazarına çıxarılan malların çeşidinin genişləndirilməsinə imkan verir.

Hazırda Azərbaycan ARDNŞ-nin (Azərbaycan Respublikası Dövlət Neft Şirkəti) balansında olan iki neft emalı zavoduna, kimya məhsullarının istehsalı üzrə müəssisələrə və bir qaz emalı zavoduna malikdir. Eləcə də perspektivdə neft və qaz emalı və neft-kimya məhsullarının istehsalı üzrə iri emal kompleksin yaradılması planlaşdırılır.

Xəbər lenti

Xəbər lenti