Azərbaycan, Bakı, 8 iyun /Trend/
Yanvar-mayda "Azərenerji" SC (Azrbaycanda elektrik enerjisinin istehsalı və paylanması) tərəfindən 8,7 milyard kilovat-saata yaxın elektrik enerjisi istehsal edilib. Bu göstərici ötən ilin analoji dövründə 8,2 milyard kilovat-saata yaxın olub. Bu barədə SC-nin çərşənbə günü yaydığı məlumatda deyilir.
Məlumata əsasən, bu müddət ərzində istehsal edilən elektrik enerjisinin ümumi həcmindən 7,4 milyard kilovat-saatdan çoxu istilik elektrik stansiyalarının, 1,3 milyard kilovat-saata yaxını isə su elektrik stansiyalarının payına düşüb.
Mayda SC tərəfindən 1,4 milyard kilovat-saata yaxın elektrik enerjisi istehsal edilib ki, bu da 2010-cu ilin may ayının göstəricisi ilə eynidir.
Habelə mart ayı ərzində Rusiya, İran, Türkiyə və Gürcüstanla elektrik enerjisinin planlı enerji verilişi davam etdirilib.
