Azərbaycan, Bakı, 27 iyul /Trend/
Türkiyənin Baş naziri Rəcəb Tayyib Ərdoğan Azərbaycana səfəri öncəsi jurnalistlərə bildirib ki, enerji layihələri, o cümlədən də "Nabukko" layihəsi onun Azərbaycana səfəri zamanı müzakirə olunacaq. Trend-in məlumatına görə, bu barədə Türkiyənin "Sabah" qəzeti yazır.
"Türkiyə ilə Azərbaycan arasında enerji layihələri bundan sonra da inkişaf edəcək", - Ərdoğan bildirib.
Türkiyənin Baş naziri qeyd edib ki, səfəri zamanı "Nabukko" layihəsinin "yol xəritəsi" və onun reallaşdırılacağı tarix müzakirə olunacaq.
Ərdoğanın sözlərinə görə, bu layihə iki ölkə arasındakı əlaqələri möhkəmləndirəcək və Qafqaz regionunda sabitliyin yaradılmasına kömək edəcək.