Azərbaycan, Bakı, 9 sentyabr /Trend, müxbir E.İsmayılov/
Bu il ARDNŞ 147 min metrlik qazma işləri aparacaq. Keçən il bu göstərici 136 min metrdən bir qədər çox olub. Bu barədə Trend-ə cümə günü neft-qaz sənayesinə yaxın mənbə deyib.
O bildirib ki, qazma işlərinin həcminin artması bu il kəşfiyyat və istismar qazma işlərinin artması ilə bağlıdır.
Mənbənin sözlərinə görə, bu il bütün ölkə üzrə qazma işlərinin həcmi 200 min metr səviyyəsində gözlənilir və bu həcmin 147 min metri ARDNŞ-nin payına, qalan hissəsi isə ölkədə işləyən digər şirkətlərin payına düşür.
ARDNŞ yanvar-avqustda 104 088 metr həcmində qazma işləri görüb ki, bu göstərici 2010-cu ilin müvafiq dövründə 94 429 metr olub.