Azərbaycan, Bakı, 1 iyun /Trend, müxbir E.İsmayılov/
Qazın vurulması mövsümünün başlamasından etibarən Azərbaycan Respublikası Dövlət Neft Şirkəti (ARDNŞ) Azərbaycanın yeraltı qaz anbarlarına təqribən 672,34 milyon kubmetr qaz vurub. Bu barədə Trend-ə cümə günü ARDNŞ-dəki mənbə deyib.
Azərbaycan ərazisində iki - Qalmaz və Qaradağ yeraltı qaz anbarı var.
Onun sözlərinə görə, vurulan qazın ümumi həcmindən təqribən 380,02 milyon kubmetr Qaradağ qaz anbarının, 292,3 milyon kubmetrdən çox isə Qalmaz qaz anbarının payına düşür.
Hazırda ölkənin yeraltı qaz anbarlarında qazın həcmi təqribən 1,86 milyard kubmetr təşkil edir. Bu həcmdən 972,6 milyon kubmetrə yaxın Qaradağ, 883,9 milyon kubmetr isə Qalmaz yeraltı qaz anbarının payına düşür.
İyunun 1-nə olan məlumata görə, yeraltı qaz anbarlarına vurulan qazın sutkalıq həcmi 10,3 milyon kubmetri üstələyir.
