Azərbaycan, Bakı, 27 iyun/Trend, müxbir E. İsmayılov/
Yanvar-may aylarında "Şəki" elektrik stansiyası 129,7 milyon kilovat-saat elektrik enerjisi istehsal edib. Trend-in məlumatına görə, bu barədə çərşənbə günü "Azərenerji"nin yaydığı məlumatda deyilir.
Məlumata əsasən, mayda stansiyada təqribən 24,7 milyon kilovat-saat elektrik enerjisi istehsal olunub.
Regionların sosial-iqtisadi inkişafı proqramı çərçivəsində tikilən "Şəki" elektrik stansiyası ölkənin şimal-qərb bölgəsinin elektrik enerjisi ilə təchizatında mühüm yer tutur.
87 meqavatt gücü olan stansiya 10 aqreqatdan ibarətdir.