Azərbaycan, Bakı, 20 sentyabr /Trend, müxbir E.İsmayılov/
Ukraynanın Çerkassk vilayətində SOCAR brendi altında iki avtomobil yanacaqdoldurma məntəqəsi (YDM) istismara verilib. Bu barədə cümə axşamı Trend-ə Azərbaycan Respubliaksı Dövlət Neft Şirkətinin (ARDNŞ) Ukrayna nümayəndəliyində məlumat verilib.
Məlumata görə, YDM-lər Kiyev-Odesa avtomobil yolu boyunca Umansk rayonunun Şarin və Ropotuxa kəndlərində istismara verilib.
Məntəqələr Ukraynanın mərkəzi regionunda ARDNŞ-nin YDM şəbəkələrini idarə edən "Аstral Servis" MMC tərəfindən istismara verilib.
Hazırda Ukraynada ARDNŞ-nin 32 YDM-i Odessa, Lvov, Nikolayevsk, Rovensk, Kiyev, Çerkassk vilayətlərində və Kiyev şəhərində fəaliyyət göstərir.
