Azərbaycan, Bakı, 28 noyabr /Trend, müxbir E.İsmayılov/
Ümumi gücü 400 meqavatdan çox olan "Mingəçevir SES Silsiləsi"ndə yanvar-oktyabr ayları ərzində 716 milyon kilovat-saatdan çox elektrik enerjisi istehsal edilib. Bu barədə çərşənbə günü Trend-ə "Azərenerji" ASC-nin mətbuat xidmətindən məlumat verilib.
O cümlədən, cari ilin oktyabr ayında 22,8 min kilovat-saatdan artıq elektrik enerjisi istehsal edilib.
Silsiləyə Mingəçevir və Varvara SES-lər daxildir.