Gürcüstan, Tbilisi, 17 iyul /Trend, müxbir N.Kirsxaliya/
Xəzərin Azərbaycan sektorundakı "Şahdəniz" qaz-kondensat yatağının işlənməsinin II mərhələsinin həyata keçirilməsi təkcə Gürcüstanın iqtisadi artımına deyil, həm də onun tranzitinə görə əlavə qaz həcmlərinin əldə edilməsinə səbəb olacaq. Trend-in məlumatına görə, bu barədə Gürcüstanın energetika naziri Kaxa Kaladze deyib.
Onun sözlərinə görə, layihənin həyata keçirilməsi çərçivəsində "Şahdəniz" konsorsiumu Gürcüstan ərazisindəki işlərə əlavə 1 milyard dollar ayıracaq. İşlər Ninotsminda rayonunda aparılacaq.
"Cənubi Qafqaz" qaz kəməri üzrə görülmüş işlər nəticəsində hər il əlavə 16 milyard kubmetr qaz nəql etmək mümkün olacaq.