...

Ötən ay BTC kəməri ilə 2,4 milyon ton Azərbaycan nefti nəql olunub

Energetika Materials 9 Sentyabr 2013 19:39 (UTC +04:00)
2013-cü ilin avqust ayı ərzində Bakı-Tbilisi-Ceyhan (BTC) əsas ixrac boru kəməri vasitəsilə 2 480 050 ton Azərbaycan nefti nəql olunub.
Ötən ay BTC kəməri ilə 2,4 milyon ton Azərbaycan nefti nəql olunub

Azərbaycan, Bakı, 9 sentyabr /Trend/

2013-cü ilin avqust ayı ərzində Bakı-Tbilisi-Ceyhan (BTC) əsas ixrac boru kəməri vasitəsilə 2 480 050 ton Azərbaycan nefti nəql olunub.

Trend ARDNŞ-nin rəsmi saytına istinadən məlumat verir ki, cari ilin yanvar-avqust aylarında bu kəmərlə 20 220 005 ton neft ötürülüb. Ümumiyyətlə, kəmər istifadəyə verilən gündən 2013-cü il sentyabr ayının 1-dək BTC-yə 225 671 819 ton neft vurulub.

Bundan başqa, cari ilin avqust ayında BTC kəməri ilə 201 401 ton Türkmənistan nefti nəql olunub.

2013-cü ilin avqust ayı ərzində 2 445 065 ton Azərbaycan nefti Ceyhan limanından dünya bazarlarına çıxarılıb. Bu həcmin 1 511 874 tonunu Azərbaycan Respublikası Dövlət Neft Fondunun nefti təşkil edib.

Cari ilin yanvar-avqust aylarında Ceyhan limanından dünya bazarlarına çıxarılmış neftin həcmi 19 897 616 ton olub.

Ümumiyyətlə, BTC istismara verilən gündən 2013-ci il sentyabr ayının 1-nə qədər Ceyhan limanından 223 564 270 ton Azərbaycan nefti dünya bazarlarına yola salınıb.

Məqalədə:
Xəbər lenti

Xəbər lenti