Azərbaycan, Bakı, 4 fevral /Trend, müxbir E.İsmayılov/
"Azərenerji" ASC 2014-cü ilin yanvarında təqribən 2,2 milyard kilovat/saat elektrik enerjisi istehsal edib. 2013-cü ilin yanvarında bu rəqəm 2,1 milyard kilovat/satdan çox olub. Trend-in məlumatına görə, bu barədə çərşənbə axşamı ASC-nin yaydığı xəbərdə deyilir.
"Azərenerji"nin məlumatına görə, 2013-cü ildə ümümilikdə ASC-nin elektrik stansiyaları 21,5 milyard kilovat/saatdan çox elektrik enerjisi istehsal ediblər. 2012-ci ildə isə bu göstərici 21,3 milyard kilovat/saata bərabər olub.