Azərbaycan, Bakı, 3 mart /Trend, müxbir E.İsmayılov/
Azərbaycan Respublikası Dövlət Neft Şirkəti (ARDNŞ) 2014-cü ilin yanvar ayında ölkənin ofşor və onşor yataqlarından 715,4 min ton neft hasil edib. Bu barədə Trend ARDNŞ-nin rəsmi saytına istinadən məlumat verir
2013-cü ilin yanvar ayında bu rəqəm 709,2 min tona bərabər olub.
ARDNŞ ümumilikdə 2013-cü ildə 8,31 milyon neft hasil edib. 2012-ci ildə bu göstərici 8,24 milyon ton idi.
ARDNŞ-nin məlumatına görə, Azərbaycanda yanvar ayında ümumilikdə təqribən 3,64 milyon ton neft hasil olunub. Ötən ilin yanvarında bu göstərici təqribən 3,79 milyon ton olub.
Ümumilikdə 2013-cü ildə Azərbaycanda 43,48 milyon neft hasil edilib. 2012-ci ildə bu göstərici 43 milyon ton idi.
