Azərbaycan, Bakı, 28 mart /Trend, müxbir E.İsmayılov/
ARDNŞ (Azərbaycan Respublikası Dövlət Neft Şirkəti) yaxın vaxtlarda Naxçıvan Muxtar Respublikasında (NMR) yeraltı qaz anbarının yaradılması çərçivəsində sayca dördüncü qiymətləndirmə quyusunun qazılmasını başa çatdıracaq. Bu barədə Trend-ə ARDNŞ-dəki mənbə bildirib.
Onun sözlərinə görə, bundan əvvəl ARDNŞ göstərilən meydançada üç qiymətləndirmə quyusunun qazılmasını başa çatdırıb, sonradan onlar öyrənilmək və təhlil olunmaq üçün bağlanıblar.
Nehrəm duz yatağı bazasında kəşfiyyat quyusunun qazılması "Tumbul" adlanan sahədə aparılır.
Mənbə deyib ki, hazırda sayca dördüncü quyu qazılır və layihə dərinliyi 580 metr təşkil edən quyunun hazırkı dərinliyi 498 mter təşkil edir: "Bundan sonra növbəti quyunun qazılmasına başlanacaq".
Mənbənin bundan əvvəl qeyd etdiyi kimi, yeni yeraltı qaz anbarının yaradılması çərçivəsində beş qiymətləndirmə və bir kəşfiyyat quyusunun qazılması planlaşdırılır. Qaz anbarının yaradılması prosesi perspektivdə layların duzdan yuyulması işlərinin aparılmasını tələb edir.