Azərbaycan, Bakı, 10 aprel /Trend/
"Neft Daşları" yatağındakı 2521 №-li Stasionar Dəniz Özülündən 2527 nömrəli quyuda qazma işləri sona çatdırılıb.
Trend ARDNŞ-nin rəsmi saytına istinadən məlumat verir ki, layihə dərinliyi 1214-1205 metr olan quyu Kompleks Qazma İşləri Tresti tərəfindən qazılıb.
Qırməki altı lay dəstəsindən mənimsənilməyə başlanmış quyu martın 30-dan etibarən istismara daxil edilib.
Geoloqların hesablamalarına görə, quyudan fontan üsulu ilə sutkada 15 ton neft hasil edilir.