...

Cari ilin 4 ayında BTC üzrə neft nəqli 9 faizdən çox artıb

Energetika Materials 19 May 2014 15:38

Trend-i buradan izləyin

Azərbaycan, Bakı, 19 may /Trend, müxbir E.İsmayılov/

2014-cü ilin yanvar-aprel aylarında Bakı-Tbilisi-Ceyhan (BTC) boru kəməri üzrə 11,7 milyon ton neft nəql edilib. 2013-cü ilin eyni dövründə bu rəqəm 10,7 milyon ton təşkil edib.

Trend-in məlumatına görə, bu barədə Dövlət Statistika Komitəsinin (DSK) 2014-cü ilin 4 ayının yekunu üzrə hesabatında deyilir.

Hesabatda qeyd edilir ki, yanvar-aprel aylarında ölkənin magistral neft kəmərləri üzrə nəql edilmiş bütün neftin 3/4-ü BTC-nin payına düşüb.

2013-cü ildə BTC üzrə 33 milyon ton, 2012-ci ildə isə 32,9 milyon ton neft nəql edilib.

DSK-nın məlumatına görə, hesabat dövründə ümumilikdə ölkənin magistral neft kəmərləri üzrə 15,5 milyon ton neft nəql edilib ki, bu da 2013-cü ilin yanvar-aprel ayları ilə müqayisədə 10,2 faiz çoxdur.

Hesabata əsasən, yanvar-aprel aylarında Cənubi Qafqaz qaz kəməri üzrə (Bakı-Tbilisi-Ərzurum) 2,2 milyard kubmetr qaz tədarük edilib. 2013-cü ilin eyni dövründə bu göstərici 1,4 milyard kubmetr olub.

2013-cü ildə Cənubi Qafqaz qaz kəməri üzrə 4,7 milyard kubmetr qaz nəql edilib.

Yanvar-aprel aylarında ölkənin magistral qaz kəmərləri ilə 7,8 milyard qaz nəql olunub. Bu, ötən ilin analoji dövründəki rəqəmdən 12,1 faiz çoxdur.

Məqalədə:
Xəbər lenti

Xəbər lenti