...

Azərbaycanda yeni yeraltı qaz anbarının yaradılmasına vaxt lazımdır

Energetika Materials 22 May 2014 14:31 (UTC +04:00)

Azərbaycan, Bakı, 22 may /Trend, müxbir E. İsmayılov/

Naxçıvan Muxtar Respublikasında (NMR) yeni yeraltı qaz anbarının yaradılmasına təqribən 3-4 il lazımdır. Bunu cümə axşamı Trend-ə Azərbaycan Respublikası Dövlət Neft Şirkətindəki (ARDNŞ) mənbə deyib.

Azərbaycan NMR-i qazla təmin etmək üçün hazırda İrana qaz tədarükü mübadiləsini həyata keçirir. NMR-ə qaz tədarüklərinin davamlılığını təmin etmək üçün duz yatağının bazasında yeraltı qaz anbarının yaradılması haqqında qərar qəbul edilib.

Hazırda NMR-də yerlatı qaz anbarının yaradılması çərçivəsində dərinliyi 655 metr olan dördüncü qiymətləndirmə quyusunda qazma işləri aparılır.

Mənbənin sözlərinə görə, yaxın vaxtlarda bu quyunun qazılması başa çatacaq, bundan sonra isə beşinci qiymətləndirmə quyusunun qazılması üzrə işlərə başlanılacaq.

"Nehrəm" duz yatağının bazasında kəşfiyyat quyusunun qazılması "Tumbul" sahəsində aparılır.

Mənbə bildirib ki, qiymətləndirmə qazma işləri başa çatdırıldıqdan sonra araşdırma çalışmaları aparılacaq və qazın saxlanılması üzrə yeni obyektin yaradılmasının məqsədəuyğunluğu müəyyənləşdiriləcək.

Onun sözlərinə görə, müsbət nəticələr alınarsa, anbarın yaradılması prosesi vaxt tələb edəcək ki, bu da duz qatlarının yuyulması üzrə işlərin aparılması zərurəti və lazımi infrastrukturun yaradılması ilə izah edilir: "Bura xüsusilə qaz-kompressor stansiyalarının quraşdırılması və zəruri boru kəmərlərinin salınması üzrə infrastrukturun yaradılması aiddir".

Məqalədə:
Xəbər lenti

Xəbər lenti