Azərbaycan, Bakı, 4 iyun /Trend, müxbir E.İsmayılov/
Azərbaycan Respublikası Dövlət Neft Şirkəti (ARDNŞ) "Bulla Dəniz" yatağının dərində yerləşən qatlarından ilk qazı əldə etmək niyyətindədir. Trend-in məlumatına görə, bunu çərşənbə günü jurnalistlərə ARDNŞ prezidenti Rövnəq Abdullayev deyib.
Onun sözlərinə görə, qısa müddət ərzində (4 ay) yataqda dərinliyi 6 min metrdən çox olan 3 quyunun qazılmasına hesablanan yeni paltforma quraşdırılıb.
R.Abdullayev qeyd edib ki, artıq ilk quyunun qazılmasına başlanılıb: "İlin sonuna biz yatağın dərində yerləşən qatlarından ilk qazı əldə edəcəyik".
O bildirib ki, yatağın dərində yerləşən qatlarında qaz ehtiyatları təqribən 20 milyard kubmetr təşkil edir.
