Azərbaycan, Bakı, 5 iyun /Trend, müxbir E.İsmayılov/
Proqnozlara əsasən, 2014-cü ildə Azərbaycanda 41,2 milyon ton neft və 28,8 milyard kubmetr qaz hasil olunacaq.
Trend-in məlumatına görə, bunu ARDNŞ-nin neftin, qazın hasilatı və nəqli üzrə vitse-prezidenti Rəhman Qurbanov cümə axşamı Bakıda XXI Azərbaycan Beynəlxalq Xəzər Neft və Qaz-2014 (Caspian Oil&Gas) konfransında deyib.
O bildirib ki, proqnozlara görə, 2014-cü ildə ARDNŞ-nin öz neftinin hasilatı 8,4 milyon ton, qaz isə 7 milyard kubmetr təşkil edəcək.
Bu il üçün "Azəri-Çıraq-Günəşli" (AÇG) neft-qaz yataqları blokunda neft və səmt qazı hasilatı həcmlərinin müvafiq olaraq 30,6 milyon ton və 12,4 milyard kubmetr təşkil edəcəyi proqnozlaşdırılır.
2014-cü ildə "Şahdəniz" qaz-kondensat yatağından 9,4 milyard kubmetr qaz və 2,3 milyon kondensat hasil etmək planlaşdırılır.