...

Britaniyalı nazir: Trans-Xəzər qaz kəmərinin reallaşdırılması regionda sabitliyi artıracaq

Energetika Materials 10 İyul 2014 16:39

Trend-i buradan izləyin

Azərbaycan, Bakı, 10 iyul /Trend, müxbir Emin Əliyev/

Trans-Xəzər qaz kəməri layihəsinin reallaşdırılması regionda sabitliyi artıracaq. Trend-in məlumatına görə, bu barədə cümə axşamı jurnalistlərə Bakıda səfərdə olan Böyük Britaniyanın energetika naziri Maykl Fellon deyib.

O, qeyd edib: "Biz Trans-Xəzər qaz kəməri layihəsini dəstəkləyirik. Eyni zamanda, bu layihənin reallaşdırılması Azərbaycan və Türkmənistan arasında razılaşmadan asılıdır".

Bu layihə ilə bağlı Rusiyanın mövqeyinin kifayət qədər sərt olması barədə fikirləri şərh edən M.Fellon bildirib ki, artıq Ukrayna ilə bağlı fəaliyyətinə görə RF-yə sanksiyalar tətbiq edilib: "Biz sanksiyaların tətbiqini ona görə davam etdirəcəyik ki, bu ölkənin cənub-şərqində istənilən gərginliyin eskalasiyasının yeni sanksiyalara gətirib çıxaracağı aydın olsun. Biz Avropadakı tərəfdaşlarımızla bu məsələlər üzərində çalışırıq. Mövcud gərginlik Avropanın Rusiya qazından asılılığının azaldılması məsələsini daha aktual edir".

Qeyd edək ki, Avropa İttifaqı, Azərbaycan və Türkmənistan arasında Trans-Xəzər qaz kəməri layihəsi ilə bağlı danışıqlar 2011-ci ilin sentyabrında başlayıb.

Məqalədə:
Xəbər lenti

Xəbər lenti