Azərbaycan, Bakı, 3 iyun /Trend, müxbir Azad Həsənli/
Qara Dəniz Ticarət və İnkişaf Bankı (QDTİB) Azərbaycanda "Şahdəniz" yatağının işlənməsinin ikinci mərhələsi üzrə öhdəliklərin maliyyələşdirilməsi məqsədilə "Lukoil Overseas Shah Deniz Ltd." üçün kreditin ayrılması imkanını nəzərdən keçirir.
Bu barədə Trend QDTİB-ə istinadən məlumat verir.
Məlumatda deyilir: "Layihəyə iki dəniz platformasının tikintisi, Səngəçal terminalı və Cənubi Qafqaz boru kəməri magistralının Bakı-Gürcüstan-Türkiyə sərhədi hissəsinin genişləndirilməsi daxildir".