Bakı. Maksim Tsurkov - Trend:
SOCAR Rusiyanın "Qazprom" şirkətinə ildə 3-5 milyard kubmetrədək qaz almaq barədə təklif göndərib. Trend-in məlumatına görə, bunu jurnalistlərə SOCAR prezidenti Rövnəq Abdullayev deyib.
Onun sözlərinə görə, Rusiya şirkəti ilə danışıqlarda hələ irəliləyiş yoxdur.
R.Abdullayev qeyd edib ki, Azərbaycan qazı, əsasən, Xəzərin Azərbaycan sektorundakı "Azəri-Çıraqlı-Günəşli" neft-qaz yataqlar blokunda laylara vurmaq üçün lazımdır, yəni neftin sabit hasilatını saxlamaq üçün lazımdır: "Qaz alışı bizə onun laylara vurulma həcmini artırmağa, eləcə də hazırda təqribən 3,5 milyard kubmetr tutumu olan qaz anbarlarının gücünü sınaqdan keçirməyə imkan verəcək, lakin onları nəzəri olaraq 5 milyard kubmetrədək genişləndirmək mümkündür".