...

Bu gün OPEC+ monitorinqi neft bazarındakı ehtimal senariləri müzakirə edəcək

Energetika Materials 31 Mart 2021 06:34 (UTC +04:00)
Bu gün OPEC+ monitorinqi neft bazarındakı ehtimal senariləri müzakirə edəcək

Bakı. Trend:

OPEC+ monitorinq komitəsinin nazirləri bu gün keçiriləcək müntəzəm onlayn görüş üçün bir araya gələcəklər.

Trend-in TASS-a istinadən verdiyi məlumata görə, toplantının məqsədi may və iyun ayları ərzində neft bazarında inkişaf edə biləcək senariləri müzakirə etməkdir.

İclasda neft bazarında artıq təklifin yaranmasının qarşısını almaq üçün may və iyun aylarında nə qədər neft hasil ediləcəyi müəyyənləşəcək.

Xatırladaq ki, 2020-ci ildə tələbin azalması nəticəsində bazarda aşırı təklif bolluğu OPEC+ ölkələrinin narahatçılıqlarına səbəb oldu, "Brent" markalı neftin qiyməti 20 ildən artıq bir müddətdə ilk dəfə 20 dollar/bareldən aşağı düşdü, "WTI" markalı neftin qiyməti isə tarixdə ilk dəfə idi ki mənfi səviyyələrə endi. Bu səbəbdən, keçən ilin may ayından OPEC+ ölkələri hər ay monitorinq keçirir və vəziyyətdən asılı olaraq neft hasilatının həcmini dəyişir.

Məqalədə:
Xəbər lenti

Xəbər lenti