...

2022-ci ildə dünyada neftə tələbat artacaq - Proqnoz

Energetika Materials 9 Sentyabr 2021 00:01 (UTC +04:00)
2022-ci ildə dünyada neftə tələbat artacaq -  Proqnoz

Bakı. Ləman Zeyanlova - Trend:

2022-ci ildə dünyada neftə tələbat bu illə müqayisədə 4,5 milyon barel/sutka artacaq.

Bunu Trend-ə "Wood MacKenzie" beynəlxalq konsaltinq şirkətinin neft araşdırmaları üzrə vitse-prezidenti Enn-Luiza Hittl deyib.

Onun sözlərinə görə, "OPEC plus" neft hasilatının 400 min barel/sutka artırılması qərarını 2022-ci ilin sentyabrınadək qüvvədə saxlayarsa, qiymətlərin indiki diapazonda, 70 dollar/barel ətrafında qalacağı gözlənilir:

"Bizim 2021-ci ilin qalan hissəsi və 2022-ci il üçün proqnozlarımız dünya bazarına 1,7 milyon barel/sutka neftin qaytarılması barədə cari sazişi və hasilatın mərhələli şəkildə artırılmasını nəzərdə tutur. Bazar 2021-ci ilin dördüncü rübündə və 2022-ci ildə tələbin artması ilə əlaqədar "OPEC plus"un hasilat artımı göstəricilərini üstələyə bilər. Biz proqnozlaşdırırıq ki, "Brent" markalı neftin qiyməti 2022-ci ildə 67 dollar/barel təşkil edə bilər. Bu, 2021-ci il üzrə proqnozdan aşağıdır".

Twitter: @Lyaman_Zeyn

(Tərcümə: Orxan Nəbiyev)

Məqalədə:
Xəbər lenti

Xəbər lenti