“SOCAR Türkiyə”nin EBITDA üzrə gəliri açıqlanıb
İstanbul. Elçin Mehdiyev - Trend:
Bu il "SOCAR Türkiyə" şirkətinin EBITDA üzrə göstəricisi (faiz, vergi və amortizasiya hesablanmazdan əvvəlki mənfəət) 1 mlrd. ABŞ dollarına çatacaq.
Trend-in məlumatına görə, “SOCAR Türkiyə”nin baş direktoru Zaur Qəhrəmanov Azərbaycan media nümayəndələri üçün keçirdiyi mətbuat konfransında deyib.
Z.Qəhrəmanov bildirib ki, EBITDA üzrə şirkətin illik gəliri təqribən 750 milyon dollar təşkil edir, lakin bu il ərzində gəlirlər orta rəqəmlərdən çox olacaq.
